Mae Clybiau Plant Cymru Kids’ Clubs yn brofiadol ym maes datblygu a chyflenwi gweithdai a chymwysterau i wella ansawdd y gofal, y chwarae a’r dysgu a ddarperir i blant mewn clybiau. Mae Clybiau Plant Cymru Kids’ Clubs yn ganolfan a gymeradwyir gan y Sefydliad Dyfarnu, CACHE, i gyflenwi cymwysterau achrededig mewn Gwaith Chwarae ac Asesu.
Pob Hyfforddiant a Digwyddiad
Darperir hyfforddiant yn ddi-dâl fel arfer i’r clybiau sydd wedi ymaelodi â ni. Mae’n bosibl y bydd cyfyngiadau mewn achosion lle darperir yr ariannu gan awdurdod lleol neu arianwyr arbennig a fydd yn caniatáu aelodau o ardal benodol yn unig i fod yn bresennol. Gwelwch bob cwrs yn ein rhaglen i sicrhau eich bod yn gymwys, neu ffoniwch eich swyddfa leol.
Mewn rhai achosion gall rhai nad ydynt yn aelodau yn ogystal archebu lle ar ein cyrsiau hyfforddi. Rhaid i rai nad ydynt yn aelodau dalu ffi archebu (na ellir ei had-dalu).
Rhaid talu pob ffi archebu lle/ffi gwrs o fewn 3 diwrnod gwaith. Dylech dderbyn cadarnhad o’ch lle o fewn 5 niwrnod wedi talu. Os na fyddwch yn derbyn cadarnhad, cysylltwch â’ch Swyddfa Ranbarthol
Canslo:
Os nad ydych yn gallu bod yn bresennol mewn unrhyw sesiynau sydd wedi eu harchebu, RHAID i chi roi rhybudd o 48 awr o leiaf. Bydd methiant i fod yn bresennol mewn sesiwn, heb fod wedi rhoi rhybudd digonol, yn golygu codi tâl arnoch am ddiffyg presenoldeb.
Dywed Egwyddor Gwaith Chwarae 6 “Seilir ymateb y gweithiwr chwarae i chwarae plant a phobl ifanc ar wybodaeth gadarn a chyfamserol o’r broses chwarae ac arferion myfyriol”; mae ein hyfforddi’n rhoi’r cymorth sydd ei hangen arnoch i gyflawni hyn.
Gall hyfforddiant eich helpu i ystyried anghenion y plant yn eich cymuned a sut y gallwch ymateb i’w hoffterau chwarae.
P’un a ydych yn cwblhau cymwysterau neu ddatblygiad proffesiynol parhaus gall ein hyfforddiant eich helpu i dyfu mewn hyder, sgiliau a gwybodaeth. Mae nifer o’n dysgwyr yn symud ymlaen i rolau newydd a lefelau uwch.
Mae hyfforddiant yn annog cyfranogwyr i fyfyrio ar eu syniadau ac yn eu grymuso i fod yn eiriolwyr cryfach i blant a chwarae.
Rydym nid yn unig darparu syniadau hwyliog i chi eu hymarfer; gallwn hefyd eich helpu i ddeall eich rhan chi yn y cylch chware, pan fydd angen ymyrryd a phan ddylid osgoi gwneud hynny.
Nodwch yma i dderbyn crynodeb wythnosol
Gweld pob post
12.12.2025
International Human Solidarity Day- 20fed Rhagfyr. Yn hyrwyddo undod, a chynhwysiad Sut y gall plant gweithio gyda’i gilydd i gyflawni nod arbennig/datrys problem? […]
Darllen mwy
12.12.2025
Paratowch am ychydig o hwyl y gwŷl! Mae’r gweithgareddau hyn â thema’r Nadolig wedi’u cynllunio i gadw plant 4–11 oed […]
Darllen mwy
12.12.2025
Mae Dysgu Cymraeg wedi cael diweddariad technegol hanfodol i wella’r gwasanaeth yn y tymor hir. Yn anffodus, mae hyn wedi achosi rhai problemau dros dro, gan gynnwys adrannau sy’n diflannu a rhai swyddogaethau sy’ ddim yn gweithio’n iawn. Mae’r Ganolfan Dysgu Cymraeg Cenedlaethol yn gweithio’n gyflym i ddatrys y sefyllfa, ac yn ymddiheuro am unrhyw anghyfleustra. Diolch yn fawr am eich amynedd – rydym yn gwerthfawrogi eich cefnogaeth. https://dysgucymraeg.cymru
Darllen mwy
Angen cymorth? Rydyn ni yma – estynnwch allan!
Os ydych chi’n glwb sy’n chwilio am arweiniad; gweithiwr chwarae sydd eisiau dechrau eich gyrfa; neu os oes ddiddordeb yn y sector gennych ac eisiau gwybod mwy: gadewch i ni weithio gyda’n gilydd. Fe roddwn ni’r offer a’r wybodaeth sydd eu hangen arnoch i lwyddo.
