Mae’n bleser o’r mwyaf gennym rannu â chi rai cyfleoedd am ariannu. Peidiwch ag anghofio y gallwn eich cefnogi i gwblhau ceisiadau, felly cofiwch gysylltu os oes arnoch angen ein help!

Magic Little Grants

Mae’r ceisiadau bellach ar agor ac yn para ar agor tan Hydref 31^ain 2023. 

Gyda phroses ymgeisio 20-munud syml ar gyfer grant o £500 a chanlyniad o fewn chwe wythnos, mae’r gronfa Magic Little Grants yn lleihau’r gwaith sydd ei angen ar sefydliadau llawr gwlad i gael mynediad at yr arian sydd ei angen arnynt i lansio neu gryfhau eu gwasanaethau.

Mae’r meini prawf canlynol yn berthnasol:

• Rhaid i sefydliadau naill ai fod yn eu blwyddyn gyntaf o weithredu neu fod ag incwm blynyddol o lai na £250,000.
• Gellir defnyddio’r cyllid i lansio prosiectau newydd, cefnogi rhai sy’n bodoli eisoes, neu dalu costau craidd sy’n gysylltiedig â gwaith parhaus. Rhaid i sefydliadau a’r prosiectau y maent yn gwneud cais amdanynt fod wedi’u lleoli yng Nghymru, Lloegr neu’r Alban.
• Nodwch fod ysgolion yn gymwys i wneud cais os ydynt yn elusen gofrestredig. Nid yw grwpiau yng Ngogledd Iwerddon yn gymwys i wneud cais am y cyllid hwn.
• Dim ond unwaith yn 2023 y gall grwpiau ymgeisio am grant.

Localgiving | Magic Little Grants

Rhaglen Awyr Fawr

Mae BBC Plant Mewn Angen yma i sicrhau bod pob plentyn yn cael y plentyndod y mae’n ei haeddu a’r gefnogaeth sydd ei hangen arnynt i ffynnu.

Mae’r gronfa, A Million & Me, yn cefnogi plant 8-13 oed. Mae’n canolbwyntio ar eu lles emosiynol a’u hiechyd meddwl.

Nod y gronfa hon yw darparu cymorth yn gynnar, cyn i  broblemau iechyd meddwl ymsefydlu.

Mae’r rhaglen yn canolbwyntio ar effaith ynysu daearyddol ar les emosiynol ac iechyd meddwl plant.

Bydd y rhaglen yn dyfarnu grantiau o hyd at £5,000 i ariannu:

• Plant a phobl ifanc 8-13 oed
• Plant a phobl ifanc o ardaloedd anghysbell
• Gweithio i gefnogi lles emosiynol ac iechyd meddwl

Cliciwch ar y ddolen i ddarllen mwy ac i weld a allech fod yn gymwys! Rhaglen Awyr Fawr – BBC Plant mewn Angen