I ddathlu Diwrnod y Llyfr, Chwarae Cymru rydym yn cynnig fersiynau wedi’u hargraffu o’n canllawiau gwaith chwarae – yn Gymraeg ac yn Saesneg.

Os ydych chi’n byw neu’n gweithio yng Nghymru, gallwch archebu copïau o’r canllawiau – tra pery’r cyflenwad! Mae’r canllawiau yn rhad ac am ddim, ac ar gael am dâl postio bychan:

• Hyd at bedwar canllaw – £5.00
• Hyd at wyth canllaw – £7.50

Mae nifer cyfyngedig o’r canllawiau ar gael, felly er mwyn sicrhau tegwch gofynnwn i chi archebu dim ond un copi yr un neu un i’ch mudiad (ym mhob iaith) ac ond archebu’r cyfrolau fydd o ddefnydd i hysbysu eich gwaith a’ch dysg.

Crynodeb i’ch atgoffa am y canllawiau gwaith chwarae:

• Mae Plentyndod, chwarae a’r Egwyddorion Gwaith Chwarae (cyfrol 1) yn edrych ar rôl chwarae yn ystod plentyndod ac etheg gweithio mewn lleoliadau ble mae plant yn chwarae.
• Mae Ymarfer gwaith chwarae (cyfrol 2) yn ddelfrydol ar gyfer pobl sy’n newydd i waith chwarae ac mae’n archwilio sut i ddynodi, creu neu gyfoethogi mannau ar gyfer chwarae.
• Mae Datblygu a rheoli prosiect gwaith chwarae (cyfrol 3) yn edrych ar elfennau ymarferol trosglwyddo darpariaeth gwaith chwarae ac mae’n archwilio dyletswyddau rheoli uwch-weithwyr chwarae.
• Mae Rheoli gweithwyr chwarae a gweithio gydag oedolion eraill (cyfrol 4) yn edrych ar reoli staff a gweithio gydag oedolion eraill yn ogystal â delio gyda gwrthdaro, beirniadaeth ac achwynion.

Canllawiau gwaith chwarae – ar gael mewn print – Chwarae Cymru